പിണറായി വിജയൻ പയ്യന്നൂരിലും തളിപ്പറമ്പിലും നടത്തിയ പ്രസംഗങ്ങൾ ജനങ്ങളോടുള്ള പരസ്യമായ വെല്ലുവിളിയാണെന്ന് ടി.കെ. ഗോവിന്ദൻ എം.എൽ.എ ആരോപിച്ചു. പാർട്ടിയിലെ തെറ്റായ തീരുമാനങ്ങളെ ന്യായീകരിക്കുന്ന രീതിയിലാണ് സംസാരിച്ചതെന്നും അദ്ദേഹം വ്യക്തമാക്കി.
കഴിഞ്ഞ തിരഞ്ഞെടുപ്പിൽ തളിപ്പറമ്പിലെ സ്ഥാനാർത്ഥി നിർണ്ണയത്തിൽ പാളിച്ചകൾ സംഭവിച്ചതായി പാർട്ടിയുടെ കേന്ദ്ര കമ്മിറ്റി തന്നെ പരസ്യമായി സമ്മതിച്ച കാര്യമാണ്. എന്നാൽ കേന്ദ്ര കമ്മിറ്റിയുടെ ഈ കണ്ടെത്തലിനെ പോലും തള്ളിക്കളയുന്ന തരത്തിലാണ് ഇപ്പോൾ ജനങ്ങളെ വെല്ലുവിളിക്കുന്നത്.
തിരഞ്ഞെടുപ്പ് തിരിച്ചടികളിൽ നിന്നും വീഴ്ചകളിൽ നിന്നും പാർട്ടി ഇനിയും തെറ്റുതിരുത്താൻ തയ്യാറല്ല എന്നതിന്റെ വ്യക്തമായ ദൃഷ്ടാന്തമാണിത്. തെറ്റുകൾ തിരുത്തുന്നതിന് പകരം അവയെ ന്യായീകരിക്കാനാണ് നേതൃത്വം ശ്രമിക്കുന്നതെന്നും അദ്ദേഹം കൂട്ടിച്ചേർത്തു.
Note ; വാർത്തയ്ക്കായി ഉപയോഗിച്ചിരിക്കുന്ന ചിത്രങ്ങൾ ബെസോറ ന്യൂസിന്റെത് അല്ല . വാർത്തയുടെ പൂർണതയ്ക്കുവേണ്ടി മറ്റ് സോഴ്സുകളിൽ നിന്നും എടുത്തതാണ് .
