ഇന്ത്യന് ഓഹരി വിപണിയിലുണ്ടായ ഇടിവ്; യു.എസ് ഡോളറിനെതിരെ ഇന്ത്യന് രൂപയുടെ മൂല്യം 11 പൈസ ഇടിഞ്ഞ് 95.55 എന്ന നിരക്കിലെത്തി. അന്താരാഷ്ട്ര വിപണിയില് അസംസ്കൃത എണ്ണവിലയില് നേരിയ ഉയര്ച്ച പ്രകടമായെങ്കിലും, ഡോളര് സൂചിക ഉയര്ന്നു നിന്നത് രൂപയ്ക്ക് തിരിച്ചടിയാകുകയായിരുന്നു.
അന്താരാഷ്ട്ര കറന്സി വിപണിയില് യു.എസ് ഡോളര് ശക്തമായതോടെ രൂപയുടെ മൂല്യത്തില് വീണ്ടും ഇടിവ് രേഖപ്പെടുത്തി. ഡോളറിനെതിരെ 95.50 എന്ന നിലയില് വ്യാപാരം ആരംഭിച്ച രൂപ, ഒരു ഘട്ടത്തില് 95.40 വരെ കരുത്ത് കാട്ടിയെങ്കിലും പിന്നീട് ഇടിഞ്ഞ് 95.55 ലാണ് വ്യാപാരം അവസാനിപ്പിച്ചത്. മുന് ദിവസത്തെ അപേക്ഷിച്ച് 11 പൈസയുടെ കുറവാണ് രൂപയുടെ മൂല്യത്തില് ഉണ്ടായത്.
അതേസമയം പ്രമുഖ എണ്ണ ഉല്പാദക മേഖലകളിലെ സമാധാന ചര്ച്ചകളെ തുടര്ന്ന് ബ്രെന്റ് ക്രൂഡ് ഓയില് വില ബാരലിന് 90 ഡോളറിന് താഴേക്ക് താഴ്ന്നത് ഇന്ത്യക്ക് ആശ്വാസമായിട്ടുണ്ട്. എന്നാല് സെന്സെക്സിലും നിഫ്റ്റിയിലും പ്രകടമായ ഇടിവും, യു.എസ് ഫെഡറല് റിസര്വിന്റെ വരാനിരിക്കുന്ന സാമ്പത്തിക നയപ്രഖ്യാപനങ്ങളെക്കുറിച്ചുള്ള ആശങ്കകളും കറന്സി വിപണിയെ കൂടുതല് ജാഗ്രതയിലാക്കുകയാണ്.
Note ; വാർത്തയ്ക്കായി ഉപയോഗിച്ചിരിക്കുന്ന ചിത്രങ്ങൾ ബെസോറ ന്യൂസിന്റെത് അല്ല . വാർത്തയുടെ പൂർണതയ്ക്കുവേണ്ടി മറ്റ് സോഴ്സുകളിൽ നിന്നും എടുത്തതാണ് .
