നേപ്പാളിലെ മിന്നല് പ്രളയത്തില് 133 ഇന്ത്യക്കാര് ഉള്പ്പെടെ 800 പേരെ കാണാനില്ല. ദുരന്തബാധിത പ്രദേശങ്ങളില് കുടുങ്ങിക്കിടക്കുന്ന ഇന്ത്യക്കാരുമായി ബന്ധപ്പെടാന് പ്രത്യേക കണ്ട്രോള് റൂമുകള് തുറന്നു. അടിയന്തര സഹായങ്ങള്ക്കായി വിദേശകാര്യ മന്ത്രാലയത്തിന്റെ സഹായത്തോടെ സംസ്ഥാന സര്ക്കാരുകള് രംഗത്ത്.വിവിധ സംസ്ഥാനങ്ങള് ഹെല്പ്ലൈനുകള് സജ്ജമാക്കി.
ടിബറ്റ് അതിര്ത്തിക്കടുത്തുള്ള നേപ്പാളിലുണ്ടായ വിനാശകരമായ മിന്നല് പ്രളയത്തില് 133 ഇന്ത്യന് പൗര•ാര് ഉള്പ്പെടെ നിരവധി പേരെ കാണാതായി. ദുരന്തത്തില് നൂറിലധികം പേര് മരണപ്പെട്ടതായാണ് ഔദ്യോഗിക വിവരം.പ്രതിസന്ധി ഘട്ടത്തില് അടിയന്തിര സഹായ വാഗ്ദാനം നല്കിയ ഇന്ത്യന് പ്രധാനമന്ത്രി നരേന്ദ്ര മോദിക്ക് നേപ്പാള് പ്രധാനമന്ത്രി നന്ദി അറിയിച്ചു. ഇരു രാജ്യങ്ങളും തമ്മിലുള്ള ആഴത്തിലുള്ള സൗഹൃദവും സഹകരണവുമാണ് ഈ ദുരിതസമയത്തെ പെട്ടെന്നുള്ള ഇടപെടലിലൂടെ വ്യക്തമാകുന്നതെന്ന് നേപ്പാള് വിദേശകാര്യ മന്ത്രിയും പ്രതികരിച്ചു.ദുരന്തബാധിതരായ നേപ്പാളിന് പിന്തുണയുമായി ഇന്ത്യ ഇതിനോടകം രംഗത്തെത്തിയിട്ടുണ്ട്.
വ്യോമസേനയുടെ സി-130ജെ വിമാനത്തില് 10 ടണ് വരുന്ന മാനുഷിക സഹായങ്ങളും, അത്യാവശ്യ മരുന്നുകളും, താല്ക്കാലിക ഷെല്ട്ടറുകളും, സോളാര് ലാമ്പുകളും അടക്കമുള്ള ദുരിതാശ്വാസ വസ്തുക്കള് ഡല്ഹിക്ക് സമീപമുള്ള ഹിണ്ടന് വ്യോമത്താവളത്തില് നിന്ന് കാഠ്മണ്ഡുവിലേക്ക് അയച്ചു.കാണാതായ ഇന്ത്യന് പൗര•ാരെ കണ്ടെത്താനായി നേപ്പാള് ഭരണകൂടവുമായി ചേര്ന്ന് ഇന്ത്യന് എംബസി ഊര്ജ്ജിതമായ രക്ഷാപ്രവര്ത്തനങ്ങളാണ് ഏകോപിപ്പിച്ചു വരുന്നത്.നേപ്പാളിലുണ്ടായ വിനാശകരമായ മിന്നല് പ്രളയത്തില് കുടുങ്ങിക്കിടക്കുന്ന സ്വന്തം സംസ്ഥാനങ്ങളിലെ പൗര•ാരെ സഹായിക്കാനായി വിവിധ സംസ്ഥാന സര്ക്കാരുകള് പ്രത്യേക ഹെല്പ്ലൈനുകളും കണ്ട്രോള് റൂമുകളും ആരംഭിച്ചു. കേന്ദ്ര സര്ക്കാരുമായും നേപ്പാളിലെ ഇന്ത്യന് എംബസിയുമായും ചേര്ന്ന് സംസ്ഥാനങ്ങള് രക്ഷാപ്രവര്ത്തനങ്ങള് ഏകോപിപ്പിച്ചു വരികയാണ്.
നേപ്പാളില് അവധിക്കാലം ആഘോഷിക്കാനോ തീര്ത്ഥാടനത്തിനോ ജോലിക്കോ ആയി പോയിട്ടുള്ള നിരവധി ഇന്ത്യക്കാരെയാണ് ദുരന്തബാധിത പ്രദേശങ്ങളില് കാണാതായിട്ടുള്ളത്. ഇവരുടെ ബന്ധുക്കള്ക്ക് വിവരങ്ങള് തിരക്കുന്നതിനും അടിയന്തര സഹായങ്ങള് അഭ്യര്ത്ഥിക്കുന്നതിനുമായി സംസ്ഥാന ദുരന്ത നിവാരണ അതോറിറ്റികളുടെ കീഴില് 24 മണിക്കൂറും പ്രവര്ത്തിക്കുന്ന ഹെല്പ്ലൈന് നമ്പറുകള് നിലവില് വന്നിട്ടുണ്ട്.കേന്ദ്ര വിദേശകാര്യ മന്ത്രാലയത്തിന്റെ ഡല്ഹിയിലെ കണ്ട്രോള് റൂമുമായി ബന്ധപ്പെട്ടാണ് ഈ ഹെല്പ്ലൈനുകള് പ്രവര്ത്തിക്കുന്നത്. കാണാതായവരെ കണ്ടെത്താനും സുരക്ഷിതമായി നാട്ടിലെത്തിക്കാനുമുള്ള ശ്രമങ്ങള് യുദ്ധകാലാടിസ്ഥാനത്തില് പുരോഗമിക്കുകയാണ്.നേപ്പാളിലുണ്ടായ വിനാശകരമായ മിന്നല് പ്രളയത്തിന് കാരണം ഉയര്ന്ന മലനിരകളില് നിന്നുണ്ടായ മഞ്ഞുപാളികളുടെയും പാറക്കെട്ടുകളുടെയും പതനമാകാം എന്ന് ശാസ്ത്രജ്ഞരുടെ പ്രാഥമിക നിഗമനം.
നേപ്പാള്-ടിബറ്റ് അതിര്ത്തിയിലുണ്ടായ കനത്ത ഉരുള്പൊട്ടലിനും മിന്നല് പ്രളയത്തിനും പിന്നിലെ കാരണം കണ്ടെത്താന് അന്താരാഷ്ട്ര പര്വ്വതപഠന കേന്ദ്രമായ 'ഇസിമോഡ്' ഉള്പ്പെടെയുള്ള ഗവേഷക സംഘങ്ങള് അന്വേഷണം ആരംഭിച്ചു.ബുധനാഴ്ച രാവിലെ ടിബറ്റിന് താഴെയുള്ള നേപ്പാളിലെ റസുവ ജില്ലയിലാണ് വന്തോതില് വെള്ളവും ചെളിയും കൂറ്റന് പാറക്കല്ലുകളും ഒഴുകി മിന്നല് പ്രളയമുണ്ടായത്. ഇത് ഭോട്ടെ കോശി, ത്രിശൂലി നദികളില് വലിയ തോതില് ജലനിരപ്പ് ഉയരാന് കാരണമായി.ഹിന്ദു കുഷ് ഹിമാലയന് മേഖലയിലെ കാലാവസ്ഥാ വ്യതിയാനങ്ങളും ഉയര്ന്ന പ്രദേശങ്ങളിലെ മഞ്ഞുരുകലുകളും ഇത്തരം അതിതീവ്ര ദുരന്തങ്ങള്ക്ക് കാരണമാകുന്നുണ്ടെന്ന് ശാസ്ത്രജ്ഞര് മുന്നറിയിപ്പ് നല്കുന്നുണ്ട്. സംഭവസ്ഥലത്ത് നിന്നുള്ള സാറ്റലൈറ്റ് ചിത്രങ്ങളും മറ്റ് ശാസ്ത്രീയ വിവരങ്ങളും പരിശോധിച്ചുവരികയാണെന്ന് അധികൃതര് അറിയിച്ചു.
